yutube se paise kaise kamaye

Hello dosto aaj hum fir hajir hai ek aur post ke saath , vaise to online paise kamane ke bahut se raaste hai lekin kya aap jante hai ki internet par kuch bahut hi aasan work bhi maujood hai jinko kar ke koi bhi student , housewife , employed , unemployed , businessman apne khali samay me paise kama sakta hai. Aaj hum jis aasaan work ki baat karne ja rahe hai vah hai video banakar aur unhe Youtube me upload karke kamai karna to chaliye aage ki post me jante hai ki hum video banakar Youtube se paise kaise kama sakte hai.





Sabse pahle hum aapko yah batana chahenge ki Youtube bhi Google ki hi ek service hai aur yanha par aap apne g mail Id account se bhi log in kar sakte hai ya fir ek dum naya account bana sakte hai. Yah ek video website hai janha par koi bhi vyakti apna channel bana sakta hai aur video upload karke paise kama sakta hai. Jaise jaise aapke youtube video channel ke darshak badhte jayenge aapki popularity aur earning bhi badhti jayegi.

Free me blogger par blog kaise banaye - hindi me
Affiliate Marketing Kaise Kare - Bigenners guide

 Youtube se paise kaise kamaye – Step by Step Guide


1-Sabse pahle aapko www.youtube.com website par jana hoga aur yanha par agar apke paas gmail account hai to log in karna hoga anytha naya account banana hoga. 

2- Youtube account me login karne ke baad aap apna channel bana sakte hai apni profile picture bhi upload kar sakte hai.

3- Aab aapko apne smartphone se jiski camera quality achhi ho ya kisi any device se ek behtareen 2 ya 3 minute ka video banana hai aisa video jisko log dekhna pasand kare aur apke Youtube channel ko subscribe kare. Aap kisi bhi prakar ka video bana sakte hai jaise ki koi comedy video , tutorial video , short movie aur use apne youtube account me jakar upload kar sakte hai.

4- Aab aapko aise hi videos lagatar apne youtube channel par upload karte rahna hai , apko prati week kam se kam 2 video upload karne par achha response mill sakta hai kyonki darshak naye – naye videos dekhna pasand karte hai.

5- Aap apne upload kiye hue videos ki social media jaise ki faccebook , googleplus , twitter , ke madhyam se marketing bhi kar sakte hai aur adhik logo ko ise dekhne ke liye prerit kar sakte hai. Youtube aapko diretly apne account se social media me share karne ki suvidha bhi deta hai aur kai prakar ke other tools bhi provide karta hai jinke madhyam se aap apne videos ki marketing kar ke apne account ke subscribers badha sakte hai.

6- You tube aapko apne videos se paise kamane ka bhi option deta hai ise monetize karna kahte hai matlab apne videos par Google adsense ke ads lagana aur jab bhi koi apke video ko dekhta hai aur agar in ads par click karta hai to apke paise milte hai.

7- Apne videos me ads dikhane ke liye aapko google adsense account banana hoga aur use apne youtube account se add karna hoga.

Agar aap upper diye hue sabhi steps ka palan karenge aur unhe ajmayenge to aap awasya video banakar youtube se paise kama sakte hai.





Ko bhi vyakti sabkuch ek din me nahi seekh sakta vo dheere dheere apni galtiyo se seekhta hai to agar aap apna youtube channel start karna chahte hai to apko sonchna nahi chahiye aaj hi start kare.

Aap Youtube par upload kiye hue videos ko viral karne ke liye name me google searh par adhik search kiye janae wale keywords ka use kar sakte hai.

Youtube Videos Par Ads Se Kitni Kamai Kar Sakte Hai


Yah aapke upper nirbhar karta hai ki aap kitni mehnat karte hai kitne videos apke account me uploaded hai aur prati months apke youtube channel ko kitne log dekhte hai. Hum maan lete hai ki aapke videos ko ek maheene me 100000 log dekhte hai aur jo ads aapke videos par dikhte hai un par agar koi click karta hai to aapko $0.10 milte hai. Prati mahine agar 5% log bhi apke ads par click karte hi to apki kamai hogi:
5000X$0.10 = $500 prati maheene yani ki 32500 Rupaye prati mahine. India me bahut se aise log hai jo isase kai guna adhik kamate hai.

Aab aap soonch rahe honge sab kuch to theek hai lekin hum apni kamai hui payment prapt kaise karenge to hum aapko batana chahenge ki apki apke ads par click ke madhyam se jo bhi payment banti hai jab voh kam se kam $100 ho jati hai yani ki 6500/- rupaye tab google adsense ke dwara aapke bataye hue bank account me electronic fund transfer ke madhyam se kar diya jata hai.

Aage ki posto me mai aapko bataunga ki anotation kya hota hai , videos me tags ka use kaise kare aur apne youtube videos me thumbnail ko kaise set karte hai aur iske kya faide hai to ye sa padhne ke liye aur jannae ke liye humse jude rahiye aur seekhte rahiye.

Aasha karta hoo ki aapko post pasand ai hogi aur aap log yah jaan gaye honge ki youtube ke madhyam se paise kaise kamaye. Agar aap naye hai kam samay me blogging, affiliate marketing aur online paise kamana seekhna chahte hai to aap home page par jakar hamara online earning and working course join kar sakte hai. Aapke man me koi sawal hai ya kuch samajh me na aa raha ho comment kare.